Алтайскяй кялень шись
| Алтайскяй кялень шись | |
|---|---|
| Типсь | Народнай ила |
| Официальна | руз.: День алтайского языка алт.: Алтай тилдиҥ кӱни |
| Ётафневи | Алтай Республикаса |
| Датась | 20-це октябрьста |
| Сотф | алтайскяй литературань классикть Л. В. Кокышевонь шачема шинц мархта |
«Алтайскяй кялень ши» (алт.: Алтай тилдиҥ кӱни) — региональнай ила, ладязе 2014-це кизоня Алтай Республика Правительствась[1] алтайскяй кяльть ванфтоманкса, ширенц кирдеманкса, сяда тов виияманкса-касоманкса, кода региононь государственнай кяльхнень эзда фкять. Васьфневи эрь кизоня 20-це октябрьста, алтайскяй литературань классикть Лазарь Кокышевонь шачема шистонза.
Фундаментальнай юркс, кона максы видексшит родной кяльть ванфтоманкса сонь тонафнеманксонза условият Алтай Республикань Основной законць − Алтай Республикань Конституциясь, коса кемокстаф, што алтайскяй кяльсь ащи алтайскяй народть потомёжень мялень юрсонза.
Алтай Республикаса алтайскяй кяльсь рузонь кяльть мархта серцек лувови государственнай кялькс. Республикать ковгярьксса кафта илань улемась — Рузонь кялень и Алтаень кялень шитне — корхтайхть фкя-фкянь мялень ваномать колга.
Социолингвистикась
Алтайскяй кяльсь — горно-алтайскяй кяльхнень эзда фкясь, алтайцнень родной, общенациональнай и литературнай кяльсна, Алтай Республикать государственнай кялец. Тяфтама кяльса тага корхтайхть Алтайскяй крайса и Кемеровскяй областьсаК, азахстанца и лия масторса.
Кяльсь кандови тюркскяй группати и эзонза сувайхть кафта аф фкя лацонь диалектт. Севернайти сувайхть тубаларонь, челканцень] и кумандинцень диалекттне. Южнайти — синьцень алтайцень, телеутонь и теленгитонь диалекттне.
Алтай Республикать эряензон марстонь лувкссна 2021-це кизонь 1-це январти самс пачкотькшни 220954 ломань, эздост алтаецта — 68814 ломань*[2], владеют алтайским языком — 52875 человек[3].
ЮНЕСКО-ть уликсонзон коряс, алтайскяй кяльть касоманц эса ули пелема сувафтомс сонь ушеткшни юмсема кяльхнень ёткс[4].
Эрямопингсь
Алтайскяй кялень илась Горнай Алтайса(ru) васенцеда ульсь ётафтф 1988-це кизоня Онгудайскяй районца. Мяльть тя илать шачеманц-ётафнеманц азозе ответственный [Бедюров, Бронтой Янгович областной писатеень организациять секретарец на пленуме обкома КПСС-ть обкомть пленумса, кона ванондозень интернациональнай воспитаниянь кизефкснень.
Торжественнай мероприятиятнень ётафтома вастсна ульсть кочкафт аф стак: СССР-нь Писателень союзть областной организациянц 23 суваензон ёткста 13 ломанць ульсть шачемас коря Онгудайскяй районцта. Онгудайса эрясь и покодсь Чевалков, Михаил Васильевич алтайскяй васенце писательсь и алтайскяй литератуать ушедыец.
Алтайскяй кялень шитнень пингста Онгудайскяй райононь велетнень эса ётнесть эрь кодама культурно-массовай мероприятият: концертт, налхксемат, весяла пялькстомат, васетькшнемат. Онгудаса 1988-це кизоня 14-це апрельста ётась товрческяй илядь, кона лемтьфоль алтайскяй кяльти. Инжикс тя илядьса ульсть историянь, кялень и литературань Горно-Алтайскяй научно-исследовательскяй институтонь (ГАНИИИЯЛ) покодихне и Горнай Алтаень писательхне. Ученайхнень эряйхнень мархта васедемать пингста кепсефтольхть алтайскяй кяльть ванфтоманц и касоманц, идень литературань нолдамань и школаса алтайскяй кяльть вятеманц колга и ламоц лия кизефксне.
Шумбрандафтомась-васьфтемась
Тя шить шумбрандафтомань коенц ширенц кирьдьсы государствась. Организационнай комитетсь вяти лама тев, конат лемтьфт алтайскяй кяльть Алтай Республикаса ётафтоманцты-васьфтеманцты.
Алтайскяй кяльть лемс праздничнай илатне ушеткшнихть 20-це октябрть самс ламода сяда инголе. Ётафневихть эрь кодама лувомат, пялькстомат, викторинат, олимпиадат шачема кяльть коряс. Аноклакшневихть выставкат. Алтайскяй кяльса нолневихть книгат, аноклакшневи и нолневи учебно-методическяй литература. Ётафневихть конференцият, форупт, тонафнемат и съезтт. Алтай Республикаса кизоти пцтай 2000 мероприятия лемтьф алтайскяй кяльть ванфтоманкса.
Праздничнай мероприятиятне 20-це октябрьста, алтайскяй кяльть лемс сяда сидеста ушеткшнихть митингста, Горнай Алтаень государственнай тевтиихненди, учёнайхненди литераторхненди памятникнень.
Тя шиня Республикаса ётафневихть мероприятият, конат лемтьфт алтайскяй кяльть ванфтоманцты, сяда тов касфтоманцты и сембонди содафтоманцты.
Тя шиня лама тевда тиендеви Адтаень Республикань «А. В. Анохинонь лемса национальнай музейса» руз.: «БУ РА «Национальный музей имени А.В. Анохина» , П. В. Кучияконь лемса национальнай театраса руз.: БУ РА «Национальный театр имени П.В. Кучияк» , «М. В. Чевалковонь лемса национальнай библиотекаса» руз.: БУ РА «Национальная библиотека имени М.В. Чевалкова» , «Республиканскяй идень библиотекась» руз.: БУ РА «Республиканская детская библиотека» , С. С. Суразаковонь лемса алтаистикань институтса руз.: Институт алтаистики имени С. С. Суразакова, БУ РА «Народнай творчествань ресбубликанскяй центрась» руз.: «Республиканский центр народного творчества».
Илась аделсевомань мекольдень мероприятияса, казендевихть эрь кодама казнет сяьскихнеди и няфтеви праздничнай концерт.
Ванк нинге
- Алтайскяй кяльсь
Лятфтамат
- ↑ Закон Республики Алтай «О языках народов, проживающих на территории Республики Алтай» статья 4.1
- ↑ Алтайский язык в XXI веке: сохранение и развитие
- ↑ Постановление Правительства Республики Алтай от 26 ноября 2021 года N 359 "Об утверждении государственной программы Республики Алтай «Сохранение и развитие алтайского языка» — docs.cntd.ru
- ↑ Архивированная копия. Дата обращения: 22 майста 2012. Архивировано 23 мартста 2012 года.
Ссылкатне
На эту статью не ссылаются другие статьи Рувики. |
.svg){kind=link}