Торама

Рувики лопаста

Торама — тя кядьёнкссь пяк вии, кайги. Торамать кувалмоц пачкотькшнесь 100 сантиметратненди. Сявондсть келувонь или ушторонь виде тарад, пачк лазондозь сонь, лазф пялькснень потмоснон карсезь, тиендезь почконь лаца. Меле ня лазф пялькснень меки токафнезь фкя-фкянди и ашкорязь куйгорса. Шуфтть карсезь стане, што почкть фкя пец лисендсь сяда тяйняня, а омбоце пец сяда кели.

Ульсть лия тораматка, нят сяда нюрьхкянятольхть, 50-80 сантиметра. Синь тиендезь пичень керста, мянтьф керхнень песна тонгондовсть фкя фкас, а меле вадендевсть столярнай клейса.

Тораматнень бокс варянят ашесть пяленде. Кунардонь пинкнень торамаса макссесть вайгяль фкя-фкянди стадань ваныхне. Торамаса морсесть постуфне шобдава стадать панемста, торамась макссесь вайгяль обедъёткть, штоба кудазораватне содалезь, коса стадась, коза молема траксонь потяма, и торамаса морсесть илять стадать вели панемстонза. Мокшень кой-кона велетнень эса тянивок тиендихть торамат шабатненди налхкшенди.

Торама — оцю турба, конань Тюштя оцязорсь мокшень ломаттненди кадозе сонь мекольце туманц инголе. Мзярда сявихне врьгятнесть-сашендсть мокшень мастору, эряволь турамс торамаса, сонь тердемс и сон саль лездома.

Кяльвалсь

  • Энциклопедия «Мордвась» Саранск, 2006 к. 647 л. (руз.)
  • Кильдюшкина А. Ансамбли традиционных народных инструментов как основа коллективного народно-инструментального исполнительства в Мордовии. Вестник Академии Русского балета им. А.Я. Вагановой. 2015;(5): 184-190.(руз.)
  • Бояркин Н. И. Мордовская инструментальная сигнальная музыка // Музыка в обрядах и трудовой деятельности финно-угров: сб. ст. Таллин: Ээсти раамат, 1986. С.(руз.)
  • Бояркина Л. Б. Мордовская музыкальная энциклопедия. Саранск: Мордов. кн. изд-во, 2011. 432 с.(руз.)
  • Бояркин Н. И. Мордовское народное музыкальное искусство. Саранск: Мордов. кн. изд-во, 1983. 184 с.(руз.)
  • Бояркин Н. И. Мордовская народная музыка: Многоголосные инструментальные традиции: учеб. пособие: в 2 ч. Саранск: Мордов. кн. изд-во, 2004. Ч. 1. 140 с.(руз.)
  • Галкина И. А. Инструментальная музыка Мордовии: от фольклорных традиций к профессиональному творчеству: дис. … канд. искусствоведения. Саранск, 2005. 314 с 39–60.(руз.)
  • Кильдюшкина А. Ансамбли традиционных народных инструментов как основа коллективного народно-инструментального исполнительства в Мордовии. Вестник Академии Русского балета им. А.Я. Вагановой. 2015;(5): 184-190.(руз.)
  • Уфаева С.«Мордовские народные музыкальные инструменты — памятники традиционной музыкальной культуры этноса» (руз.)
  • Яковлев В. И. Традиционные музыкальные инструменты Волго-Уралья: историкоэтнографич. исслед. Казань: КГК им. Н. Г. Жиганова, 2001. 320 с.(руз.)