Равжа пяденцясь (мишендематне-рамсематне)
| Равжа Пяденця | |
|---|---|
.jpg) Телевизоронь уцезста мишендемась Сан-Паулуса | |
| Лиякс | Black Friday |
| Смузсь | Ушеткшнесы роштувань уцезста мишендема-рамсема пингть |
| Ладяф | XIX-це векста |
| Ётафневи |
 США |
| Датась | Пяденцяста ноябрень нилеце шуваланяда меле (Сюконямань шись) |
| Празднование | Лавкатнень ранакиге панчсемасна, кассатнень ваксса кувака очереттне |
| Традиции | Пяк уцезста мишендеви паршихне стаконь лавкатнень и онлайн лавкатнень эса (90% самс) |
Равжа пяденця (анг.: Black Friday) — пяденця Сюконямань шида меле США-са. Сонь эздонза ушеды роштувань сезононь уцезста мишендемась. Обуцясь тиендемс уцез товаронь мишендема ладявсь нинге XIX векста, а терминць «равжа пяденця» эвондась 1966-це кизоня и васенда нолневсь тевс аньцек США-ть шинь стяма трвань ширесонза. тянкса, Сюконяма шись прашенды ноябрень нилеце шуваланять лангс, равжа пяденцясь эрси 23-це ноябрьста сявомок 29-це ноябрти молемс ёткти[1] Равжа пяденцясь аф лувондови официальнай илакс, но но ламоц покодихне тя шиня сявондихть отгул, розничнай мишендемань мишендида башка, сяс мес тя шиня рамсихнень лувкссна ламода касонды. Равжа пяденцяста лавкатне панчсевихть 5 частть малава шобдава, а оцю лавкатне — мянь пялевестокиге. Васенце рамайхненди паршихне макссевихть 50-80 % сяда уцезста — тя тиендеви сянкса, штоба сяда лама рамаень саламс мяльснон.
Валсь «равжа пяденця» васенцеда эвондась Филадельфияса и смузец эвондась пяденцяста Сюконяма шида меле китнень лангса лама машинань улеманкса [2][3]. Тя терминть тяниень пингса шарьхкодемац англань кяльса моли сяда кеняртьфтикс — сотф «in the black» (лиякс мярьгомс «положительнай баланс», каршек ащить «in the red» вастс) идиомать мархта, арьсемок, што тя шиня ламоц мишендихнень ули лама мифсна [4].
2000-це кизотнень эзда сявомок кой-кона компаниятне ётафнихть тянди шары уцезста мишендемат мастор лангонь лия странатнень эсовок, 2010-це кизоста сявомок — Россияса[5].
«Алясь» роштувань уцезста мишендемаса
Койти ушедыкс, кона меле вятсь «Равжа пяденцянь» эвондамати, лувондови Фрэнк Вулворт (англ. Franklin Woolworth). Васенце уцезста мишендематнень сон пуроптозень 1873-це кизоня Ланкастер (Пенсильвания) ошса. Вулворт шачсь сокаень-видиень семьяса и эрясь велеса, но ашель мялец тиендемс стака тефт. Теенза ашель кода получамс образования и сон ашель оцю асушиц. Аляц лездсь 21 кизоса цёрати арамс мишендиень лездыкс лавкаса[6]. Эстонь пингть мишендихне синць латцезь питнеть паршить лангс: синь шарфнесть мяль сянь лангс: рамави или аф, рамайти тя паршись и и латцесть питне. Вулворт покодсь аф пяк оцю сатфкс мархта и аф весть гразсезь сонь панемс. Эста сон тяряфтсь тиемс васькафнема. Сон сембе эрявикс паршихнень лихтезень прилавкать лангс и путсь лангозост тяштькс: «Сембось мишендеви 5 центта». США-са тя ульсь уцезста васенце мишендемась. Сменати паршида мись сняра ярмак лангс, мзяра сявондеволь 6 шити мшендезь. Сяда меле сон сась мяльс панжемс эстеенза кодамовок тев, коса питнетне ащихть фкя лаца и пингонь-пингонь тиендеви уцезста мишендема. Тяфта эвондась сембода оцю розничнай сеттнень эзда фкясь XX-це векть ушетксста[7].
Розничнай мишендемась США-са (статистикась)
США-нь розничнай мишендемань национальнай федерациясь фалу лихнесыне уликснень мишендематнень колга Сюконяма шиня[8]. Мекольдень кизотнень рамайхнень марстонь лувкссна пачкотькшни 200 миллионть вельф ; кучкаса ащи чекть питнец — $400 малава.
Статистикась няфнесы, што 20 % США-нь сембе розничнай мишендемаса ётафневи равжа пяденцять и Роштувати самс.
Равжа пяденцясь Китайса
Китайса ётафнихть синцень эсь лацонь мишендема-рамсема ши (11.11) эрь кизоня или тя шити мала шиня.
Китайса васенцеда ётафтовсь 2009-це кизоня Alibaba Group компаниять мяленц азоманц коряс, кона тяряфтсь ётафтомс «равжа пяденця» Апак рьвяяфтфнень шиснон пингста.
Равжа пяденцясь Россияса
Россияса уцезста мишендематне «равжа пяденця» лем ала ётафтфоль 6-це декабрьста 2013-це кизоня, недяляда меле, аф кода сембе мастор лангса. 2014-це кизоста сявомок ламоц уцезста мишендемась ётафневи фкя пингста сембе мастор лангть мархта, но 19:00-ста сявомок шуваланяста недляшити самс[9]. Аф ваномок сянь лангс, мес равжа пяденцясь ётафневи ноябрьста, кой-кона ритейлерхне тевс содаманц и келиста нолдаманц инкса тя терминть нолдасазь кизоньберьф. Максы ушеткс Од кизонь уцезста мишендематненди[10].
2018-це кизоня равжа пяденцяста онлайн мишендемась пачкодсь 15 миллирд цалковайда вельф, ётай кизоть коряс кассь кафтонь крда[11]. 2019-це кизоть лангс ваномста, онлайн-мишендематне Россияса пачкодсть 22,3 млрд цалковайс[12].
Россияса спорямась«Black Friday» товарнай тяштть колга
2016-це кизоня ООО «Блэк Фрайдэй» российскяй компаниять лемс ульсь ладяф паршиень тяште «Black Friday»[13]. Тяфта ладязь компаниясь фактически монополизировандазе «Black Friday» тяштть тевс нолдаманц онлайн-мишендематнень тевс нолдамать вельде.
2017-це кизоня Федеральнай антимонопольнай службась, ваномок Интернет-мишендемань компаниянь ассоциацииять заявлениянц (пуропни 30 малава ретейлер, тяконь лувкссот «М.Видео», Media Markt и KupiVip), ООО «Блэк Фрайдэй» лувозе тев тиемаснон, конат сотфт «Black Friday» товарнай тяштьксть сявоманц и тевс нолдаманц, аф виде ваймоса нолдамань актокс[14][15].
2018-це кизоня Интеллектуальнай правань коряс судсь кемокстазе Федеральнай антимонопольнай службать решениянц видексонди[16].
Лятфтамат
- ↑ Черная пятница (Black Friday) 2020 в Фокстроте - распродажа, скидки, акции на Блекфрайдей в Киеве и Украине. www.foxtrot.com.ua. Дата обращения: 21 ноябрьста 2020. Архивировано 27 ноябрьста 2020 года.
- ↑ [1966] «Black Friday» (day after Thanksgiving) (англ.). American Dialect Society. Дата обращения: 19 ноябрьста 2012. Архивировано из оригинала 13 октябрьста 2008 года.
- ↑ Ben Zimmer. The Origins of "Black Friday" (англ.). Thinkmap Visual Thesaurus. Дата обращения: 19 ноябрьста 2012. Архивировано из оригинала 27 ноябрьста 2012 года.
- ↑ Zimmer, Ben The Origins of "Black Friday" (англ.). Word Routes (25 ноябрьста 2011). Дата обращения: 20 ноябрьста 2017. Архивировано 29 январьста 2012 года.
- ↑ Почему «черная пятница» не работает в России и ждать ли улучшений — Мнение управляющего директора Criteo // vc.ru, 4 ноября 2016
- ↑ “История Черной пятницы. Почему ее так любят американцы?”. Habr. 2016-11-18. Дата обращения 2024-11-14.
- ↑ “Почему «Черную пятницу» называют черной, откуда берутся огромные скидки и причем тут два американских президента”. Культурология. Дата обращения 2024-11-14.
- ↑ Black Friday Weekend Shines as Shoppers Line up for Deals. Дата обращения: 30 ноябрьста 2011. Архивировано из оригинала 29 ноябрьста 2011 года.
- ↑ "Черная пятница" вышла за рамки // Коммерсантъ. — 2014-01-12. Архивировано 19 декабрьста 2018 года.
- ↑ “Черная пятница-2024: когда будет, что выгодно покупать, советы экспертов”. РИА Новости. 19.11.2024. Дата обращения 2024-12-05. Проверьте дату в
|date=(справка на английском) - ↑ Онлайн-продажи в России во время "Черной пятницы" выросли в два раза. ТАСС. Дата обращения: 19 декабрьста 2018. Архивировано 19 декабрьста 2018 года.
- ↑ Россияне за три дня черной пятницы потратили в интернет-магазинах 22,3 млрд рублей - Hi-Tech Mail.ru. Дата обращения: 3 декабрьста 2019. Архивировано 29 ноябрьста 2021 года.
- ↑ Товарный знак "Black Friday" в реестре товарных знаков Роспатента. new.fips.ru. Дата обращения: 16 декабрьста 2019. Архивировано 2 декабрьста 2021 года.
- ↑ Исключительное использование бренда Black Friday признали незаконным. РБК. Дата обращения: 16 декабрьста 2019. Архивировано 16 декабрьста 2019 года.
- ↑ Ритейлеры отстояли «черную пятницу». Ведомости. Дата обращения: 16 декабрьста 2019. Архивировано 16 декабрьста 2019 года.
- ↑ Карточка дела № СИП-491/2017 в системе "Мой арбитр". kad.arbitr.ru. Дата обращения: 16 декабрьста 2019. Архивировано 16 декабрьста 2019 года.