Паровоз

Машинакигель Су-250-64

Парово́з — автономнай локомотив паросиловой ладяфкс мархта, нолдави двигателень вастс паровой машинат. Сяда сидеста паровоснень видеса латцевихть кафта машинат — тифтень эрь боксонза. Стакащемань вешфкста башка кочкамстонза, тянь вельде ули кода ётамс вакска прябалать эзда вастста срхкамста, мзярда машинатнень эзда фкять шатунць ащи «кулофста» руз.: «мёртвом положении». Паровосне ульсть васенцетне рельса ланга якай уски транспорттне. Паровозсь ащи фкя эсь лацонь техникань уликсокс, конань арьсезе ломанць.

Эрямопингса сонь питнешинц аш кода аф кеподемс. Тяфта сонь вельденза эвондась машина кинь транспортсь, именна паровоснень вельде тиендевсть сталмонь ускоматне XIX-це иXX векце веконь васенце пяльксса. Паровосне фалу цебярьгофневсть сембе ширде, мезсь вятсь эрь кодама конструкциянь эвондамати, сяконь лувксса классическяйхнень эзда аерфневихть. Тяфта, улихть паровост тендерфтома, котелфтома и уштома вастфтома, турбина мархта. XX-це векть кучкаста паровозти савсь нолдамс инголи сяда цебярь локомотифненди — тепловознеди и электровозненди, конат сяда кржа ётафтыхть паровозть коряс. Сембе сяка, кой кона странатнень эса паровосне тячити самс нолневихть тевс, сяконь лувксса магистральхнень эсовок.