Мокшень сёрмадомась

Мокшень сёрмадомась - кунардонь мокшень тяштькснень сёрмадома ситсемась, кона ащесь лама тёждя и стака символста. Сонь нолдасть тевс Кристозыяфтомада инголе пцтай XX-це векти самс. Эрь мокшень юромть ули эсь башка юромтяшксоц.

Тонафнеманза

XVII-це векста ни рузонь тяшни ломаттне шарфтсть мяль мокшень сёрматнень-тяшкснень лангс. Синь колгаст сёрмадсть Д.Пушечников и А.Костяев. XIX - XX сядокизотнень мокшень ди эрзянь тъналонь-юромонь тяшкснень тонафнезь В.Н.Майнов, Н.Н.Харузин, П.Ф.Степанов, Б.П. Темногрудов ди илятне. В.Н.Майнов кочкась тяфтама 150 сёрма. Сон тяштсь: "мокшесь эди эрзясь эсь сёрмазон путнесыне сембе паршихнень лангс, тяфта синь няфнесазь кинь тя паршись"

Ванфтовсь тяфтама сёрма кучф 1888 кизоня Саратовонь губернияста ушманти Никита Колесниковонди кона ушмосоль Птербургса.

1 - Пеелем (Никитань альняканц тяштьксоц); 2 - сотф лишме; 3 - куд; 4 - ши (колма шит ётасть); 5 - модас тусь (кулось); 6 - ава (ава ломань); 7 - ведь (сельмоветть); 8 - шаба (колма шабат); 9 - кши туркс кикс мархта (кшинь аф сатнемась); 10 - лишме + ярмак (кучемс ярмак лишмонь рамама сатови); 11 - Сенькс (Пеелем юромста авась); 12 - полань суркст (рьвяяма-ърьвакс лисема); 13 - Шары (Колесников Петрань юром тяштьксоц) ; ]]

Тя сёрмать морафтомац азонды вага мезе: «Федя альнякаце сась куду (ингольдень сёрмаста Никита содазе сон якась салонь ускома Эльтону), колма шида меле кулось, сонь рьвац аварди, колма шабанза вачедот. Никита, кучт ярмак.» Тяда башка сёрмаса азфоль «Сенькс (Никитань альняканц стирец) лиссь рьвакс Колесников Петранди».

Литературась

• Степанов П.Д. Некоторые вопросы этнографии мордвы (к вопросу о мордовских знаменах)// Исследования по истории, этнографии и археологии Мордовской АССР//Труды МНИИЯЛИЭ. Вып.XXX. Саранск, 1996. - С.69
• Рогачёв В.И. Мордвать семейно-родовой тяштьксонза, знаконза//Мокшерзят. - Сараношсь, 2006
• Рогачёв В.И. Мордвать семейно-родовой тяштьксонза, знаконза.//Мокшерзят. Энкиклопедиясь. Саранск ошсь, 2006
• Рогачёв В.И. Кодификационно-семиологическая система восточных финнов// Исторические и политические науки в контексте современной культурной традиции. - Саранск, 1999. - С.549

Лятфтамат