Девятаев, Михаил Петрович (Советскяй Союзонь Геройсь)
| Михаил Петрович Девятаев | |
|---|---|
| Няйф:Dewjatajew portrait.jpg | |
| Шачсь | 8 июльста 1917 |
| Шачема вастсь | Торбеево |
| Кулось | 24 ноябрьста 2002 |
| Кулома вастсь | Казань ошсь |
| Гражданствась | Советскяй Союз |
| Покодемань тиендемац | сёрмадысь, лётчик, военнослужащий |
| Казнет | |
 Михаил Петрович Девятаев | |
Эряфонь киц
Михаил Петрович Девятаев — Советскяй Союзонь Геройсь. Шачсь Мордовияса 8-це июльста 1917 кизоня, Торбеева ошенди малады эряма вастса.
"13" цифрась М. Девятаевонь эряфса
Михаил ульсь 13-це шабась семьяса. 13 кизоса цёранясь ёрась улемс лётчикокс. Ёрась машфтомс фашистонь 13 самолёт. 13-це июльста 1944 кизоня фашисттне воздушнай бойса прафтозь М. П. Девятаевонь самолётонц, коса мокшень цёрась ульсь ранендаф и повсь пленц. Ульсь 13-це баракса, фашистонь самай пелькс концентрационнай лагерьса.
М. Девятаев 1938 кизоня аделазе Казанскяй речной техникумть и аэроклубть, 1940 кизоня Чкаловскяй военнай авиационнай школать.
1941 июнь ковста сявомок Великай Отечественнай войнань участник, ульсь командиркс гвардейскяй истребительнай 104-це авиа-полкса. 1959 кизоста сявомок ВКП(б) член. Лётчик. Старшай лейтенант. Воздушнай бойса М. П. Девятаев, старшай лейтенантсь прафтсь фашистонь 9 самолётт. Пленца улемстонза М. П. Девятаевонди макссть КЛЕЙМО "R 104533". Лагерьса мокшень цёрать лемнезь Никитенко Степан Григорьевичекс. Документс коре шачфоль 1921 кизоня. Покодсь Киев ошса тонафтыкс.
8-це февральста 1945 кизоня 10 ломаттне бомбардировщикса ворьгодсть Узедом (Германиянь) островста.
Войнада меле М. П. Девятаев работась Казанскяй речной портса пассажирскяй корабльса капитанкс.
Россияса и Мордовияса ванфтсазь мялямть М.П. Девятаевонь колга
Россияса М.П. Девятаевонь колга тиф-нолдаф художественнай фильма[1]. Мордовияса М.Девятаевонь лемс стяфтф памятникт, панчфт музейхть, лемтьфт курот, школат. Саранск ошса М. П. Девятаевонь лемс ётафневихть греко-римскяй борьбаса международнай турнирхт [2]. 8-це майста 1975 к. Торбееваса ульсь панчф М. П. Девятаевонь лемса Куд-музей[3].
Казненза
М. П. Девятаев казьф Ленинонь, Краснай Знамянь, Отечественнай войнань 1-це и 2-це степенень орденца, медальса. М.П. Девятаев – Мордовия Республикань и Казань ошень Почетнай гражданин (1999).
Саранск ошса М. П. Девятаевонь лемс ётафневихть греко-римскяй борьбаса международнай турнирхт. 8 мая 1975 к. Торбееваса ульсь панчф М. П. Девятаевонь лемса Дом-музей, а No 1 школаса 1967 к. сонь лемсонза музей.
Литературась
Девятаев, М.П. Побег из ада. — Казань: Татарское книжное изд-во, 2017. — 221 с. — 2100 экз. — ISBN 978-5-298-03508-8.