Василий Кубринонь купецть кудоц
| Куд | |
| Василий Кубринонь купецть кудоц | |
|---|---|
| каз: Көпес Василий Кубриннің үйі | |
 | |
| 51°09′55″ с. ш. 71°25′28″ в. д.GЯO | |
| Странась | Казахстан |
| Местоположение | Астана, Кенесары ульцясь, 41 |
| Статуссь | Историянь и культурань памятникне |
Василия Кубринонь купецть кудоц — ХХ-це веконь ушетксста архитектурань памятник. Сувси Астанань историянь и культурань памятникнень лемлувксс Астана ошень[1].
Василий Матвеевич Кубрин — акмолинскяй XIX-це веконь песта — ХХ-це веконь ушетксста Матвей Константинович Кубринонь купецть цёрац, «Матвей Кубрин с сыновьями и Ко» мишендема кудть ладяец-ушедыец. Сибирскяй торгово-промышленнай эрь кизоня лисенди журналсь псёрмадсь куля сянь колга, што М. К. Кубринонь предприятияц «мишендсь аптекарскяй, мануфактурнай, галантерейнай, ювелирнай, сёрмадомань кагодонь и канцелярскяй паршихть, а станя жа щапт, пильгс щамат, частт, чай и сахар».
1915-це кизода меле М. К. Кубрин панчсь сонцень представительстванц нинге Москуса, кадомок Акмолинскяйса мишендема кудонц эсь цёранцты Василиенди[2][3].
В. М. Кубрин кармась вятема сяда тов алянц тевонц, сатомок сатфткст коммерческяй тевса. Ошень азорондайхнень азондомаснон коряс, 1912-це кизонь 19-це июньцта Василий Кубринонь довереннай мишендема кудонц лемс ульсь вятьф 5 эряма кутт, а тяфта жа лавкат и склатт[4]. Ошса Василий Кубринонь эряма вастоц ульсь сембода оцю купеческяй усадьбакс. Усадьбась ульсь путф 1910—1912-це кизотнень московскяй архитекторонь кядяла и эзонза сувсесь этаж пяле мархта кудсь, подвал мархта флигелень, алашань кирдема вастонь, каретниконь и кевонь эзда амбар-бохарям мархта. Кудть инголе озафтфоль сад английскяй стильса. Флигельсь сотфоль Матвей Кубринонь мишендема кудонц мархта мода алга ётамаса (меле валяфоль), кона строяфоль 1905—1907-це кизотнень[2][4].
Колганза ули ошень легенда, конань коряс тевонь мельге ардомать пингста Санкт-Петербургу Василий Кубрин якась Мариинскяй театрав, коса содафтсь од балерина (омбоце версиять коряс — актриса) мархта. Влюбленнай купецсь тередезе сонь лисемс теенза рьвакс. Но стирсь путсь мяль, штоба теензонга улель строяф , теенза содаф фкя балеринать Мойкать трваса кудонц лаца. Сон надиясь, што тя мяльсь аф пяшкодевомшка, но эльбядсь, и аф лама пингонь ётазь од ломаттне кармасть эряма Акмолинскяень сембода оцю усадьбаса[2][4].
Октябрьскяй революцияда меле Кубринонь кудоц ульсь национализировандаф. Тя кудса ладяфоль рабоче-крестьянскяй клуб и библиотека. Пингонь ётазь – ошень уезднай исполкомсь, революционнай исполкомсь. Октябрьскяй революциять колма кизонзон топодеманцты кудти путсть лем Советонь васенце кудсь руз.: Первый Дом Советов. Тя кудса покодсть ОГПУ-нь, НКВД-нь, милициянь, ошень, уезднай и районнай учреждениятне. XX-це векть кучкаста тяса ульсь ошень образованиянь отделсь и Пионеронь кудсь. Областной историко-краеведческяй музейсь ладяфоль тяса 1960-це кизотнень кучкаста[2][4].
Лятфтамат
- ↑ Об утверждении Государственного списка памятников истории и культуры местного значения города Астаны.
- ↑ 1 2 3 4 Тайны усадьбы Кубрина раскрыли в Госархиве Астаны.
- ↑ 5 зданий, которые помогут понять столицу.
- ↑ 1 2 3 4 Тайны усадьбы Кубрина, или Самая романтичная история Астаны. ru.sputniknews.kz (3 февральста 2018). Дата обращения: 28 июньцта 2020. Архивировано 30 июньцта 2020 года.