Бурнаев, Сергей Александрович
| Сергей Александрович Бурнаев | ||
|---|---|---|
 | ||
| Шачема шиц | 15 январьста 1982 | |
| Шачема вастоц |
посёлок Дубёнки, Мордовскяй АССР, РСФСР, СССР | |
| Кулома шиц | 28 мартста 2002 (20 ) | |
| Кулома вастоц |
Аргун, Чеченскяй Республикась, Россия | |
| Принадлежностсь |
 Россия |
|
| Войскань родсь | Россиянь МВД-нь внутренняй войскатне | |
| Служама кизонза | 2000—2002 | |
| Званияц |
 сержант |
|
| Частец | «Витязь»1-це Краснознамённай специальнай назначениянь отрядсь]] | |
| Сражениятне/войнатне | Омбоце чеченскяй войнась | |
| Казненза и премиянза |
|
|
Серге́й Алекса́ндрович Бурна́ев (15-це январьста 1982 — 28-це мартста 2002) — российскяй военнослужащай, сержант Россиянь МВД-нь внутренняй войскатне Чеченскяй Республикса, эсь эряфонц сязевоманц мархта аралазень эсь ялганзон боевой гранатань сязевоманкса. Российскяй Федерациянь Герой (2002).
Эряфонь киц
Шачсь 1982-це кизонь 15-це январьста Дубёнки Дубёнскяй райононь Мордовскяй АССР-нь ошенди малады эряма вастста. Руз. 1987-це кизоста сявомок семьясна эрясь Заокскяй райононь Тульскяй областень ошенди малады эряма вастса. 2000 -це кизонь майста тертьф срочнай службас Россиянь МВД-нь внутренняй войскатне. Служась «Витязь» (спецподразделения) 1-це Краснознамённай отрядса, кона сувси оперативнай назначениянь РФ-нь МВД-нь внутренняй войскатненди Башка дивизиять лувксс. Отрядть мархта кафксть тушендсь командировкас Омбоце чеченскяй войнать: 2000-це кизонь декабрьста 2001-це кизонь майти самс и2001-це кизонь ноябрьста сявомок. Няфтезе смелшинц и асвонц аф фкя спецоперацияса.
Подвигсь
2002-це кизонь 28-це мартста отрядсь вятсь спецоперация Аргун ошса (Чеченскяй Республикась). Операциять пингста бойцне мусть оружиянь и боеприпасонь оцю мар ошень школань фкя подвалса . тяфта жа муфоль аф фкя мода алга лисема васта, конат вятсть тяка подвалти. Ульсь мяль ваномс модалдонь сембе тя вятема китне и лисема васттне. Молемок васенцекс Бурнаев сержантсь няезень боевиковнень-врьгятнихнень и кармась мархтост вятема тюрема. Прокс шобда вастса ляценди автоматонь толть валдоптоманц пингста няезе, кода мода алдонь коридорть киякска ялганзон шири кевори граната, конань ёрдазь боевикне. Пинге ёрдамс сон мек уже ашель и ялганзон араламаснон инкса вельхтязе гранатать эсь ронгонц мархта. И эсь эряфонц сязевоманц вельде аралазень эряфснон эсь ялганзон. 8 ломаньцта бандань группасьульсь машфтф марнек и муфоль пяк лама оружия. Российскяй военнослужащайхнень эзда Сергей Бурнаевта башка кивок тя бойса ашезь шавов.
Калмаф Заокский Тульскяй областень веленяса.
Мужествань и героизмань няфтеманкса, специальнай заданиянь пяшкодеманкса эряфти пельксонь тиемань условияса Российскяй Федерациянь Президентть Указонц коряс 2002 кизонь 16-це сентябрть эзда 992-це № сержанту Бурнаев Сергей Александровиченди максф Российскяй Федерации Герень лем (шавовомда меле).
2002-це кизонь 10-це ноябрьста РФ-нь Президентсь В. В. Путин "Медаль «Зрнянь Тяште» (Российскяй Федерациясь) медальть казезе Россиянь Геройть С. А. Бурнаевонь тядянцты. Геройть шачема ширесонза Дубёнки велеса лемозонза стяфтф памятник, Тульскяй областень Заокскяй посёлкаса — мемориальнай доска школать лангса, коса тонафнесь Геройсь. Россиянь Геройсь С. А. Бурнаев сембе пингс сёрматф Внутренняй войскань эсь воинскяй частенц лемлувксти. Московскяй областень Реутов ошса воинскяй мемориальнай комплексонь «Всем реутовцам, погибшим за Отечество» (улица Победы) Героень Аллеяса тяфта жа стяфтф геройть бронзовай бюстоц[1].
Эхянь кемонь кизонь ётазь, 2012-це кизоня 28-це мартста, Сергей Бурнаевонь подвигонц тага тиезе майорсь Сергей Солнечников, батальононь командирсь Российскяй Федерациянь связень войскатне. Тонафнемаснон пингста срочнай службань солдатсь аф лац ёрдазе боевой гранатать РГД-5, кона повсь ялганзон ся пингть ащема вастозост. Офицерсь эстокиге шарьхкодсь мезе лись, ряфцодозе абонф солдатть, эсь ронгонц мархта вельхтязе гранатать и эсь эряфонц питненц вельде аралазень солдаттнень[2].
Лятфтамат
- ↑ Бюст Героя России С. Бурнаева в городе Реутов Московской области на Аллее Героев воинского мемориального комплекса «Всем реутовцам, погибшим за Отечество» (улица Победы). Фото В. Б. Лушпая (Москва), 2010. Дата обращения: 5 апрельста 2012. Архивировано 2 октябрьста 2012 года.
- ↑ Подвиг на полигоне в Амурской области: Комбат Сергей Солнечников спас новобранцев, накрыв своим телом боевую гранату. Дата обращения: 5 апрельста 2012. Архивировано 19 февральста 2014 года.
Ссылкатне
- Антон Бочаров. Сергей Александрович Бурнаев. Сайт «Герои страны». Дата обращения: 1 мартста 2021.