Александр Бардин
| Александр Бардин | |
|---|---|
 | |
| Основная информация | |
| Шачема лемоц | Александр |
| Лемоц марнек | |
| Шачема шиц | 1983-це кизонь 30-це июньцта |
| Шачема вастоц | Чукалы велесь, Краснослободскяй районць, Мордовия Республикась |
| Странась | Россия |
| Профессиянза | морайсь |
| Инструменттне | баян |
| Жанратне | народнай морот |
| Казненза | Мордовия Республикань Заслуженнай артист |
Александр Бардин (Шаблон:ВП-Преамбула) — содаф музыкант, морай, блогер, Мордовия Республикань заслуженнай артист.
Эрямокиц
Сай пингонь артистть эряфонь киц ушедсь мокшэрзянь ичкозе велеса — Краснослободскяй райононь Чукалы велеса. Шачсь 1983-це кизонь июнень мекольце шиня электриконь и идень садонь воспитательницань семьяса. Музыкать кельгомонза сон ушедсь нинге идькс пингста. Аф ваномок сянь лангс, што семьяса кивок ашезь тиенде творческяй тефт, цёранять пяк рана шарьхкодевсть аф кальдяв маштомошинза. Бардинонди васенце тонафтыкс ульсь идькспингонь ялгац Коля Чапайкин, кона тонафнесь музыкальнай школаса. Ялгац лездсь теенза тонадомс баянца морама, кона муфоль велень Культурань кудса. Получамок школать аделамда меле аттестатть, Александр мяльшась сотомс сяда товолдонь эряфонц музыкать мархта и ушедсь аноклама поступамс Л. П. Кирюковонь лемса Саранскяень музыкальнай училищав[1]. Сяс мес сонь ашель эрявикс образованияц, цёрати савсь корхнемс учебнай заведениять директоронц вступительнай испытаниятнень кирдема. Павазонди, теенза удалась приемнай комиссияяса ащихнень саламс мяльснон весяла сидеморонятнень мархта.
Училищаса Бардин тонафнесь виде ваймоса, но башка мяльфтома, сяс мес сонь аф мялезонзоль учебнай программась. Баянца сон морсесь аф кальдявста, но аньцек сянь, мезе мялезонзоль сонцень, а аф сянь, мезе вешсть кядьстонза тонафтыхне. Сяс учебнай заведениять аделамда меле сон арьсесь прокс лоткамс морама баянца (пингта меле лиссь станя. Што аф сембе пингс) и высшай образованиянь сявома тусь Гнеситтнень лемса музыканьРоссийскяй академиянь дирижерско-хоровой отделенияв[2].
Тонафнемац Москуса
Поступамс престижнай институту баянистти лездсь шарьхкодемась и эрекшись. Вступительнай экзаметтнень пингста Александр срхкась морамс мора национальнай кяльса. Фкя ёшмось ульсь тоса, мес сон кассь рузонь велеса и педа-пес мокшень кяльть изезе сода. Но юмафтомс ульсь аш мезе, и Бардин эстокиге арьсесь текст и мелодия, шарьхкодемок, што приемнай комиссияса аф содасазь кяльть.
«Мон озань вальмялангс и ушедонь, кода пазлатнень лихнемост рифмати мокшень валхнень (мелодиять арьсине ни комиссиять инголе). Мезень колга ульсь морось, монцьке ашине сода… сянкса морамста сельминголен няине мокшэрзянь вирьхнень, паксятнень, лугатнень, и кода тоса пара, икода мон павазуван, мзярда-бди ласькондемок эзгаст, а тяни ащан пцтай Москуть кучкаса и моран… Няемок комиссять крьвязьф сельмоснон, мон морань нинге фкя куплет. Аф виздезь нолдамок тевс мяльть, што синь аф содасазь кяльть, морайне сяка валхнень, аньцек топстыезь и кядень цяпсезь»
Нинге тонафнемок училищаса, Чукалы велеса шачфсь ульсь сотф «Столица» музыкальнай проектть мархта, кона меколи какрмасть пяк лац содама аф аньцек Саранск ошса, но и сембе Мордовияса. Тяфта Вячеслав Игонькинонь кядьвидеса сон сатозе васенце маштомошить профессиональнай ста няфтемаса.
Гнеситтнень лемса РАМ-са эрямокись васьфтезе Владимир Макаровонь мархта. Эстоньбере синь марс покодсть и марса кармасть колгаст содама. «САДко» фолк-группать тиемста музыканттне кенерсть кочкамс эряфонь смузьши и шарьхкодемс профессиональнай сценать эсьлацонь шинц. Васенда синь морсесть студенческяй коллективса «Первый цвет», меле вете кизот покодсть Надежда Кадышевать и сода «Золотое кольцо» ансамблять мархта. Тя ульсь Александронди и сонь морай ялганзонды цебярь школакс.
«САДко» группать эрямопингоц ушедсь 2010-це кизоня, мзярда Александр Бардин, Владимир Макаров и Александр Лихацкяй кенерсть тиемс эсь кядялонь аноклаф материалть.
Кизода меле лиссь диск лангс сёрматфста дебютнай альбомсна, «Не печалься, всё пройдет» лем ала. Пластинкась путсь ушеткс релизонь целай сериянди, конат лисендсть пцтай эрь кизоня. Сембода удалафокс синь мороснон ёткса, коса ульсть народнай моротнень тяниень пингонь аранжировкасна, но и синцень арьсеф моросна, пяк мяльс туфтольхть «Мы не птицы», «Еду в Мордовию», «Не отпущу тебя», «Отцовская любовь» моротне. Удалафокс арась и Юрий Визборонь «Ты у меня одна», конань морсезе Лихацкяй.
Колективть лемонц шарьхкотьфтемац
А. Бардин азондсь, што синь тяфта няфтезь кельгомаснон Садко былиннай геройти, а тяфта жа музыкань альма-матерти, кона ащи Садовай кольцо руз. Садовое кольцо куроть кучкаса:
«Садкоть мархта минь мезевок аф сотсамазь, минь аф сакалуфтома и гусляса аф морсетяма. Но сотсамазь ся, мес Садко шачфоль кулхцондыхнень кеняртьфнемс, мезть тиендьсаськ и миньге».
Тячиень эряфста
Содаф фолк-коллективсь няфни концертт эрь кодама вастса. Тяда башка Бардин морси ськамонза: нолни од синглхт (синь лувкссост «Зорька алая» и авторскяй сёрматфоц «Песня счастливых родителей» «Павазу шачфтыхнень-касфтыхнень моросна» и вяти ютьюб-канал, коса няфни тревел-тегонзон гармониянь и синтезаторонь аккомпонементонь вельде. Артистсь сидеста няендеви и телевиденияса: 2022-це кизоня сон ульсь «Привет, Андрей» музыкально-развлекательнай шоуса, коса моразе «Над полями зорька светлая» народнай моронять.
2023-це кизоня А. Бардин морсесь кода ськамонза, станя и «САДко» группать ёткса. Кизоть ушетксста сон покоди ялганзон мархта тусь гастрольнай турс российскяй ошнень эзга, а тяфта жа аноклась «Кучерявый вечер» ськамонза морамань программа, коза сувасть шуроста морсеви или сяда инголе прокс апак морсек моротне. 2023-це кизоня 3-це сентябрьста Мордовиянь Оцюнясь Здунов, Артём Алексеевич макссь «САДко» группань артисттнень «Мордовия Республикань Заслуженнай артист» лем. 2024-це кизоня июнь ковста Нинжняй Новгородса ётась Всероссийскяй од ломанень межнациональнай лагерсь руз. (Всероссийский молодежный межнациональный лагерь) «Диалог культур», конань пуропнезе ФАДН-ць[3]. Тоса Александр Бардин ульсь тертьф инжихнень ёткса. Мордовия Республикаста тя лагери ульсь тертьф Н. П. Огарёвонь лемса Мордовскяй государственнай университетста "Нармоннят" руз. («Птенчики») фольклорнай ансамблясь, конатнень мархта Александр Бардин морасть «Луганяса келунясь» мокшень народнай содаф морнять. А меколи синь лятфнеманди исть марстонь фото.
Сяконьбасом, 2024-це кизоня группати топодсь 14 киза. Коллективсь тяниеньге кенярьфнесыне ваныхнень эрек вступленияснон мархта.
Сонцень эряфоц
Александр Бардинонь сонцень эряфоц кунаркиге ладяф. Наталья рьыванц мархта сон содафтсь нинге студентонь кизонзон пингста. Краснодарса шачфсь тожа тонафнесь Гнеситтнень лемса РАМ-са и сяка пингть покодсь Надежда бабкинать Театраса. Тоза жа сась покодема и Александрсь. Но сотксне ётксост сотовсть аф курокста. Александрть валонзон коряс, тя ульсь аф васенцеда варжафксонь кельгома, но сянкса фкя секундань пингста. Весть сон ванць кода Наталья мезе-бди азонды шабатненди, и шарьхкодсь, што няйсы сай пингонь рьвянц.
Артистсь мазыста якафтсь стирть мельге, казендсь теенза панчфт и казнет. 2004-це кизоня кельгихне полафтсть сурксса москувонь ялгаснон инголе, меле венцяндафтсть Саранск ошса и тисть свадьба Краснодарса, од рьвнянть шачема ширесонза.
Александр Бардин семьянц мархта
Мирттнень-рьвятнень семьянь эряфсна ладявсь лац. Тяни синь касфтыхть ниле итть: кафта цёранят, Григориень и Георгиень, и кафта стирнят, Мариянь и Дарьянь.
Марса семьянц мархта Мордовия Республикань заслуженнай артистсь ульсь Тимур Кизяковонь шоуса «Когда васе дома», коса азондсь, што касфтсыне кядьполатксонзон коень-кирдань коряс и арьси эрямс мархтост ошть эзда ширеса. Рьвять мархта ладязь эрямась, Бардин сотсы фкя-фкянь кельгомать шарьхкодемать мархта. Рьвяц — сембода цебярь ялгац и мала ломанец. Сембе сяка Александр аф тиенди сонцень эряфонц эзда сёпома-кяшема, но вельф ванфкснень эзда сембе сяка ванфнесы. Фотографиятне мала ломанензон мархта аньцек кой-коста эвондакшнихть «Инстаграмса» эсь лопанц лангса (сон ащи Meta корпорациять кядяла, кона РФ-са лувондови экстремистскяйкс). «ВКонтакте» аккаунтоц марнек лемтьф твочестванцты-покодеманцты.
Аф ваномок сембонди содафшинц мархта артистсь илядсь стамка велень цёракс. Сон пяк кельгсы эсь шачема ширенц, мокшэрзянь перьфпяльть, сяс и пингонь-пингонь сашенды шачема велезонза.
Мялень салай фактт эряфстонза
Интересные факты Артистсь лемнесы эсь прянц кудрявай мордвинкс. Бардинонь кельгсазь творчестванц кельгиенза. Эсь лацонь казнекс теенза ащи — карьсембялень щакшнемсь кшниста валф сюронясь, кона мазоптф космонавтть Юрий Гагаринонь бюстонц мархта[4].
Лятфтамат
- ↑ Саранского музыкального училища имени Л. П. Кирюкова
- ↑ Музыкальное училище имени Гнесиных — Рувики: Интернет-энциклопедия
- ↑ Всероссийский молодежный межнациональный лагерь «Диалог культур» пройдет в Нижнем Новгороде | Официальный сайт Правительства Нижегородской области
- ↑ Александр Бардин (рус.). 24СМИ. Дата обращения: 10 ноябрьста 2025.
Литературась
Сссылкатне
- https://folkteatr.ru/Официальный сайт театра «Русская песня» под руководством Н. Г. Бабкиной
- https://mktrm.ru/institutions/saranskoe-muzikalnoe-uchilishe-kirukova Саранское музыкальное училище им. Л. П. Кирюкова
На эту статью не ссылаются другие статьи Рувики. |
.svg){kind=link}